ᐅᑯᐊᖑᕗᒍᑦ
ᐊᕐᓇᐃᑦ ᐊᔾᔨᓕᐅᕆᓯᒪᔭᖏᑦ ᓴᖅᑭᑎᑕᐅᓯᒪᓂᖅ: ᓂᐱᒃᑯᑦ ᓇᓗᓇᐃᖅᓯᔪᑦ ᐊᔾᔨᐅᖏᑦᑐᒥᒃ ᑲᓇᑕᒥᑦ ᑕᐅᑐᖕᓂᒃᑯᑦ
ᐱᒋᐊᕈᑕᐅᔪᖅ ᐊᕐᓇᐃᑦ ᐊᔾᔨᓕᐅᖅᓯᒪᔭᖏᑦ ᓴᖅᑭᑎᑕᐅᓯᒪᓂᖅ (ᐊᑎᖃᓚᐅᖅᓯᒪᔪᖅ ᐊᕐᓇᓄᑦ ᐊᔾᔨᓕᐅᕆᓯᒪᔭᖏᑦ ᐱᓕᕆᐊᒃᓴᑦ ᐃᒡᓗᓕᖕᒥᑦ) ᓴᖅᑭᖁᔨᓪᓗᑕ ᐱᒻᒪᕆᖕᒥᑦ ᐊᔾᔨᐅᖏᑦᑐᒥᒃ ᐃᓄᐃᑦ ᐱᖅᑯᓯᖏᓐᓂᒃ ᐊᒻᒪᓗ ᑐᓴᖅᑕᐅᖁᓪᓗᒋᑦ ᓂᐱᖏᑦ ᐊᕐᓇᐃᑦ ᐃᓄᖏᑦ, ᐅᖃᐅᓯᖃᕈᒪᓪᓗᑕᓗ ᐅᖃᐅᓯᒃᓴᓂᒃ ᑲᓇᑕᒥᐅᑕᓂᒃ ᖃᓄᐃᑦᑐᓕᒫᓂᒃ.
ᐱᒋᐊᓚᐅᖅᑎᓪᓗᒋᑦ ᐱᒋᐊᕐᓂᖓᓂ ᐊᕐᕌᒍᖓᓂ 1991-ᒥ, ᐱᒋᐊᕈᑕᐅᔪᖅ ᐊᕐᓇᐃᑦ ᐊᔾᔨᓕᐅᕆᓯᒪᔭᖏᑦ ᐊᔾᔨᓕᐅᓚᐅᖅᑕᖏᑦ ᐊᖅᑯᑎᒃᓴᕐᒥᑦ ᐱᒋᐊᕈᑎᒥᒃ ᐊᑑᑎᓂᐊᖅᑐᒥᒃ ᐃᖃᐃᓕᓴᕐᓂᕐᒥᑦ ᖁᕝᕙᕆᐊᕈᑎᒥᒃ ᐃᖅᑲᓇᐃᔮᒃᓴᒥᓂᒃ ᓴᖅᑭᑎᑦᑎᒃᑲᓐᓂᕋᓱᒃᖢᑎᑦ ᓴᖅᑭᑎᑦᑎᔨᖏᓐᓂᒃ, ᐊᑐᕈᑎᒋᓚᐅᖅᑕᖏᓐᓂᒃ ᐃᖅᑲᓇᐃᔭᕐᕕᖕᒥᑦ, ᐃᓄᓯᖏᓐᓄᓪᓗ, ᐊᒻᒪᓗ ᓴᙱᓂᖏᓐᓂ ᐊᑐᕈᒪᑦᑎᐊᖅᑕᒥᓂᒃ ᐃᓄᐃᑦ ᐱᖅᑯᓯᖏᓐᓂ ᐱᒻᒪᕆᐅᔪᓂᑦ ᐊᔾᔨᐅᖏᓐᓂᖓᓂ ᑲᓇᑕᒥᑦ.
ᐊᑐᖅᑕᐅᒐᔪᒃᑐᓂᒃ ᐃᖅᑲᓇᐃᔭᖅᖢᓂ ᐱᓯᒪᑦᑎᐊᖏᑦᑐᓄᑦ ᐃᓂᒋᔭᒥᓂᒃ ᐊᒻᒪᓗ ᑲᑕᑐᐃᓐᓇᕆᐊᖃᕐᓂᖏᓐᓂᓪᓗ ᐃᓄᖕᓄᑦ ᓴᖅᑭᔮᕋᓗᐊᕐᒪᖓᑦᑎᒍᑦ, ᐱᐅᓂᖓ ᖃᐅᒪᓂᖓ ᐱᑕᖃᕆᐊᓕᒃ ᐃᓚᐅᔪᓐᓇᕐᑐᑦ ᐊᕐᓇᐃᑦ ᐊᔾᔨᓕᐅᖅᓯᒪᔭᖏᑦ ᓴᖅᑭᑎᑕᐅᓯᒪᓂᕐᒧᑦ ᓴᖅᑭᑎᑦᑎᓗᑎᒃ ᑎᑎᕋᖅᓯᒪᔪᒃᑯᑦ, ᐅᓂᒃᑳᕐᓂᒃᑯ ᐱᒻᒪᕆᐅᓂᖏᓐᓂ ᐊᑐᖅᑕᒥᓂᒃ ᐃᓅᓯᖏᓐᓂᒃ. ᐱᒋᐊᕈᑎᒋᓚᐅᖅᓯᒪᔭᕗᑦ ᑲᑐᔾᔨᖃᑎᒌᒃᖢᑕ ᓴᖅᑭᑎᑦᑎᓚᐅᖅᓯᒪᒐᑦᑕ ᐱᒻᒪᕆᐅᓂᖓᓂᒃ ᐊᕐᓇᓄᑦ ᐃᒡᓗᓕᖕᒥᐅᑕᕐᓄᑦ ᐊᑕᖃᑦᑕᐅᑎᓗᑎᒃ ᐃᓄᐃᑦ ᐱᖅᑯᓯᖏᓐᓂᑦ ᐅᖃᐅᓯᒃᑯᑦ. ᐊᑐᓚᐅᖅᓯᒪᔭᖏᓐᓂᓪᓘᓐᓃᒃ ᐅᓄᖅᑐᓂᒃ ᐊᐱᖅᓱᖅᑕᐅᓚᐅᖅᓯᒪᔪᓂᒃ (ᐅᑯᓂᖓᓘᓐᓃᑦ ᐊᐱᖅᓱᑕᐅᓂᑯᑦ) (ᐊᕐᓇᐃᑦ/ᐃᓅᓯᒃᑯᑦ ᖃᓄᐃᙱᑦᑕᐃᓕᒪᓂᖅ/ᑎᒥ ᐊᒻᒪᓗ ᐃᑭᓕᕕᖕᒥᐅᑦ) ᐅᕝᕙᓘᓐᓂᑦ ᓇᐃᑦᑐᓄᑦ ᐱᓕᕆᐊᖑᔪᑦ ᑲᑎᙵᔪᓄᑦ ᐃᙱᐅᓯᓄᑦ ᐊᑐᓚᐅᖅᓯᒪᔭᖏᓐᓂᒃ ᐃᓄᐃᑦ ᐱᖅᑯᓯᖏᓐᓄᑦ (ᖁᓪᓕᖅ, ᐊᑕᒍᑦᑖᓘᑉ ᐱᕐᓕᕐᓕᕐᓂᖓ, ᐱᐅᔪᖅ ᐊᒻᒪᓗ ᐊᖑᑕᐅᑦᑐᖅ), ᑕᒪᒃᑯᐊ ᐊᔾᔨᓕᐅᖅᓯᒪᔪᐃᑦ ᓴᖅᑭᑎᑕᐅᓚᐅᖅᑐᐃᑦ. ᓇᓗᓇᐃᖅᓯᓂᕐᒧᑦ ᐃᓄᐃᑦ ᐱᖅᑯᓯᖏᓐᓄᑦ ᐊᕐᓇᓄᑦ ᐃᒡᓗᓕᖕᒥᐅᓄᑦ.
ᐊᕐᓇᐃᑦ ᐊᔾᔨᓕᐅᖅᓯᒪᔭᖏᑦ ᓴᖅᑭᑎᑕᐅᓯᒪᓂᖅ ᓴᖅᑭᑎᑦᑎᓚᐅᖅᑐᐃᑦ ᓱᓕᔪᓂᑦ ᐅᓂᒃᑳᕐᓂᑦ, ᓱᓕᖏᑦᑐᓂᒡᓗ ᐅᓂᒃᑳᕐᓂᑦ. ᓯᕗᓪᓕᖅᐹᒥᑦ ᑕᕐᕆᔭᐅᓯᐅᓚᐅᖅᓯᒪᔭᕗᑦ, ᖃᐅᓚᐅᖏᑎᓪᓗᒍ (Before tomorrow), ᓵᓚᒃᓴᓚᐅᖅᓯᒪᔪᑦ ᐱᐅᓂᖅᐹᒥᒃ ᑲᓇᑕᒥ ᐊᔾᔨᓕᐅᖅᓯᒪᔪᒥᒃ ᓴᖅᑭᔮᖅᑎᑕᐅᔪᓂᒃ ᓯᕗᓪᓕᖅᐹᒥᒃ ᑐᕌᓐᑐᒥ ᓄᓇᕐᔪᐊᕐᒥᐅᑕᓂ ᐊᔾᔨᓕᐅᖅᓯᒪᔭᖏᑦ 2008-ᖑᑎᓪᓗᒍ ᐊᒻᒪᓗ ᓂᕈᐊᖅᑕᐅᓚᐅᖅᓯᒪᔪᖅ ᓄᓇᕐᔪᐊᕐᒥᐅᑕᒥ ᐱᓂᖅᓴᐅᓂᖅᓴᐅᓇᓱᖃᖅᑕᖅᑐᑦ ᑕᐃᑲᓂ ᓴᓐ ᑖᓐᔅ ᐊᔾᔨᓕᐅᖅᓯᒪᔭᖏᓐᓂ. (SOL ᓵᓚᒪᓐ), ᓯᕗᓪᓕᖅᐹᒥᒃ ᓴᖅᑭᑎᑦᑎᓚᐅᖅᓯᒪᔭᒍᑦ ᓱᓕᔪᓂᑦ ᐅᖃᐅᓯᓂᒃ ᐅᓂᒃᑳᓂᑦ, ᓵᓚᒃᓴᓚᐅᖅᓯᒪᔪᖅ ᑲᓇᑕᒥ ᑕᕐᕆᔭᐅᓯᐅᓚᐅᖅᑐᒥᒃ ᐱᐅᓂᖅᐸᖑᔪᒥᒃ ᓱᓕᔪᓂᑦ ᐅᖃᐅᓯᓂᒃ ᐅᓂᒃᑳᓂᑦ, 2016-ᖑᑎᓪᓗᓂ. ᐃᓗᐊᓂ ᐊᕐᕌᒍᓂ 2017-ᒥ ᐊᒻᒪᓗ 2019-ᒥ ᐊᕐᓇᐃᑦ ᐊᔾᔨᓕᐅᖅᓯᒪᔭᖏᑦ ᓴᖅᑭᑎᑕᐅᓯᒪᓂᖅ ᓴᖅᑭᑎᑦᑎᓚᐅᖅᑐᐃᑦ ᐊᔾᔨᓕᐅᕆᓯᒪᔪᓂᑦ ᓄᑕᕋᓄᑦ, ᑎᐊ ᐊᒻᒪᓗ ᐱᐅᔪᖅ, ᐊᐅᓚᑕᐅᓪᓗᓂ ᓘᓯ ᑐᓗᒑᕐᔪᒃ ᐊᒻᒪᓗ (restless river ᓄᖅᑲᓱᐃᑦᑐᖅ ᑰᒃ) ᑭᖑᓂᖓ ᒫᑕᓖ ᐃᕙᓗ ᐊᒻᒪᓗ ᒪᕆ−ᕼᐊᓚᓐ ᑰᓯᓅ, ᐊᔾᔨᓕᐅᖅᑕᐅᓚᐅᖅᓯᒪᔪᖅ ᖂᒡᔪᐊᕐᒥᑦ ᐊᕐᓇᐃᑦ ᐊᔾᔨᓕᐅᖅᓯᒪᔭᖏᑦ ᓴᖅᑭᑎᑕᐅᓯᒪᓂᖅ
ᓘᓯ ᑐᓗᒑᕐᔪᒃ ᐊᒻᒪᓗ ᓴᓂᐊᓂ ᓄᖅᑲᓱᐃᑦᑐᖅ ᑰᒃ, ᐊᔾᔨᓕᐅᕆᔭᐅᓚᐅᖅᑐᖅ ᓴᓂᐊᓂ ᒫᑕᓖ ᐃᕙᓗ ᐊᒻᒪᓗ ᒪᕆ−ᕼᐊᓚᓐ ᑰᓯᓅ, ᐊᔾᔨᓕᐅᖅᑕᐅᓚᐅᖅᑐᖅ ᑰᒡᔪᐊᕐᒥᑦ.
ᒪᕆ-Hᐊᓚᓐ ᑰᓯᓅ
ᐅᖃᓪᓚᖕᓂᖅ | ᑕᕐᕆᔭᕐᕕᒃ |
ᐱᐅᓯᖅᐳᓐ
ᐊᕐᓇᐃᑦ ᑕᕐᕆᔭᐅᓯᓕᕆᔨᒃᑯ ᐃᒃᐱᖕᓂᐊᕗᑦ ᑕᑯᕋᓐᓈᓂᕐᒥᒃ ᐃᒻᒪᓂᓴᕐᒥᒃ ᒫᓐᓇᓕᓴᕐᒥᒡᓗ ᐃᓄᐃ ᐱᐅᓯᖏᓐᓂᒃ ᐅᕝᕙᓘᓐᓃᒃ ᐅᖃᐅᓯᐅᕙᒃᑐᓂᒃ. ᐱᓕᕆᓯᒪᔭᓂ ᐊᑎᒃᑲᓐᓂᐊᒍ ᓴᖅᑭᑎᑦᑎᓯᒪᕗᓐ ᐅᓂᒃᑲᐅᓯᕐᒥᒃ ᑕᕐᕆᔭᐅᓯᐅᖅᑕᐅᓲᑉ ᓴᓇᓯᒪᔭᖓᓂ, ᐱᓕᕆᓯᒪᔭᖓᑕ ᐃᓱᒪᒋᓪᓗᒍ ᐃᒡᓗᓕᖕᒥᖔᖅᑐ ᐃᓄᐃᑦ ᓴᓇᖃᑎᒋᔭᐅᓪᓗᑎᒃ ᐊᔾᔨᓕᐅᕆᓂᕐᒥᒃ.
ᐊᑐᖅᑕᐅᓲᖑᕗᖅ ᑕᕐᕆᔭᐅᑎᓕᐊᖑᔪᒥᒃ ᐊᑐᖅᑐᕕᓂᕐᒥᒃ ᐅᓂᒃᑲᐅᓯᑐᐃᓐᓇᕐᒥᒡᓗ. ᐊᑐᖅᑎᑕᐅᖃᑦᑕᖅᐳ ᐅᓄᖅᑑᓕᖅᑎᑕᐅᒡᓗᑎ ᐅᖃᐅᓯᓕᐅᖅᖢᑎᒃ ᐃᓄᐃᑦ ᑭᖑᕚᕆᓚᐅᖅᑕᖏᓐᓂᒃ:
- ᐃᓐᓇᐃᑦ ᑖᒃᑯᐊ ᖃᐅᔨᒪᔭᑐᖃᖏᓐᓂ ᓱᓕ ᖃᐅᔨᒪᔪᑦ ᐃᒡᓗᓕᖕᒥᖔᖅᑐᓐ;
- ᐃᓐᓇᐃᑦ ᖃᐅᔾᔪᓯᖃᖅᑐᑦ ᐃᓄᐃᑦ ᐱᖅᑯᓯᖏᓐᓂᒃ “ᖃᓪᓗᓈᓪᓗ” ᐱᖅᑯᓯᖏᓐᓂᒃ ᖃᐅᔨᓯᒪᒋᓪᓗᑎᒃ ᑭᓯᐊᓂ ᐊᑐᓂ ᐃᓅᓯᖅ ᐊᑐᖅᑕᐃᓐᓇᕆᓪᓗᓂᒋ;
- ᑖᒃᑯᐊᕋᐃᓐᓄᐃᒡᓗ ᓂᕕᐊᖅᓵᑦ ᓄᑲᑉᐱᐊᓪᓗ ᐱᖏᖕᓇᕐᒥᖔᓯᒪᔫᑉ ᐱᖅᑯᓯᖏᓐᓂᒃ ᐊᔭᐅᖅᑐᖅᑕᐅᓪᓗᑎ ᐃᓕᓐᓂᐊᖅᑎᑕᐅᓯᒪᔪᑦ ᖃᐅᔨᒪᔭᐅᔪᓪᓗ ᐃᓄᐃᑦ ᐱᖅᑯᓯᖏᓐᓂᒃ ᐊᓈᓇᑦᑎᐊᖓᑕ ᐅᕝᕙᓘᓐᓃᑦ ᐊᑖᑕᑦᑎᐊᖓᑕ ᐃᓕᓐᓂᐊᖅᑎᑕᐅᒋᓪᓗᑎᒃ
ᐊᑐᓂ ᐅᖃᖃᑎᒋᔭᐅᓯᒪᔪᑦ ᓇᓕᐊᓪᓗ ᐅᖃᐅᓯᖅ ᐊᑐᖁᔭᐅᔭᕆᐊᒃᓴᖓᓂᒃ ᐃᓱᒪᒃᓴᖅᓯᐅᖅᑐᖅ ᓇᓯᐊᖕᓄ ᐊᑐᖅᑕᐅᓂᐊᕆᐊᒃᓴᖏᓐᓂᒃ.
ᓇᖕᒥᓂᖅᓱᕐᓂᕆᔭᖓ ᐊᕐᓇᐃᒃᑯ ᐊᔾᔨᓕᐅᕆᖃᑦᑕᕐᓂᕆᔭᖓ ᐱᕕᒃᖢᑎᒃ ᐱᓕᕆᐊᖃᓲᖑᕗᑦ ᑕᕐᕆᔭᐅᓯᐅᕐᓂᖏᓐᓂᒃ ᑖᒃᑯᐊ ᐊᕐᓇᐃᒃᑯᓐᓂ ᐃᓚᐅᓲᑦ ᖁᕕᐊᓱᖃᑎᒌᕋᐃᓐᓄᒃᖢᑎ ᑲᑐᔾᔨᖃᑎᒌᓲᖑᕗᓐ. ᐊᕐᓇᐃᑦ ᑐᕌᕈᑎᖃᖅᓯᒪᕗᑦ ᐃᓄᐃᑦ ᐱᖅᑯᓯᖏᓐᓂᒃ ᐊᔪᖏᓐᓂᖏᓐᓂᒡᓗ ᐱᓐᖑᐊᖅᑑᑉ: ᐃᓚᐅᖃᑕᐅᕙᒃᖢᑎ ᓄᓇᓕᖕᓂ ᐊᐅᓪᓛᖅᑐᖃᖃᑦᑕᓕᖅᐸᑦ ᖃᑕᖕᖑᑎᖏᓪᓗ ᐱᖅᑯᓯᖏᓐᓂᒃ ᐅᖃᖃᑎᒌᒃᐸᒃᖢᑎᒃ. ᐃᑲᔪᖅᑎᒌᒃᖢᑕ ᐱᓕᕆᐊᕆᖃᑦᑕᖅᑕᕗ ᐊᔾᔨᓕᐅᕆᓂᐊᖅᑑᑉ ᐃᓗᐊᓂ, ᐊᓐᓄᕋᔾᔨᐅᕐᓂᐅᓪᓗ ᐃᓗᐊᓂ ᑲᑐᔾᔨᖃᑎᒌᓲᖑᕗᖅ ᐱᖁᑎᒋᔭᐅᓂᐊᖅᑐᓂᒡᓗ ᐃᓕᓐᓂᐊᖅᑎᑦᑎᐊᓚᐅᖅᖢᑎᒍᓪᓗ ᖃᓄᐃᓕᐅᕐᓂᐊᖅᑐ ᐃᓄᒃ ᖃᓄᖅ ᐱᓐᖑᐊᕐᓂᐊᖅᑕᖓᓂ.