ᐊᕐᓇᐃᑦ ᐃᑲᔪᖅᑏᑦ ᑕᕐᕆᔭᐅᓯᐊᖏᑦ, ᐊᕐᓇᐃᑦ ᑕᕆᔭᐅᓯᐊᖏᑦ ᑲᑎᑕᐅᓯᒪᔪᑦ ᐃᒡᓗᓕᖕᒥᑦ ᑕᑯᔪᓐᓇᖅᑕᑎᑦ ᐅᕘᓇ

ᐊᕐᓇᐃᑦ ᐃᑲᔪᖅᑎᒌᑦ ᑕᕐᕆᔭᐅᓯᐊᖏᑦ

ᐅᓇ ᑐᕌᕆᔭᖓᑦ ᐊᕐᓇᐃᑦ ᐃᑲᔪᖅᑎᒌᑦ ᑕᕐᕆᔭᐅᓯᐊᖏᑦ ᐊᑐᖅᑕᐅᓕᖅᓂᐊᕐᒪᑕ ᐊᒻᒪᓗ ᐊᑑᑎᖃᕐᒪᑕ ᐱᐅᓯᑐᖃᖏᑦ ᐊᒻᒪᓗ ᓂᐱᖏᑦ ᐃᓄᐃᑦ ᐊᕐᓇᐃᑦ, ᐊᒻᒪᓗ ᓴᕿᑦᑎᓯᒪᔪᑦ ᑐᑭᓯᓇᓱᖃᑎᒌᒍᓐᓇᕐᕕᒃᓴᒥᖕᓂᒃ ᑲᓇᑕᒥᐅᓪᓗ ᑕᒪᕐᒥᒃ ᓇᑭᖔᖅᓯᒪᓂᕐᒥᖕᓂᒃ. ᑕᐃᔅᓱᒪᓂ ᐅᑭᐅᖅᑕᖅᑐᖅ ᑐᓴᐅᒪᔭᐅᓕᖅᖢᓂ, ᑕᑯᔭᐅᖁᔨᕗᒍᑦ ᐃᓄᖕᓂᒃ ᐊᕐᓇᓂᒃ ᑕᐅᑦᑐᖏᓐᓂᒃ ᐊᒻᒪᓗ ᐊᑑᑎᖃᕆᔭᖏᓐᓂᒃ ᐃᓗᐊᓂ ᑲᓇᑕ ᐊᒻᒪᓗ ᓯᓚᕐᔪᐊᖅ ᐅᖃᖃᑎᒌᒍᑕᐅᖃᑦᑕᕐᓂᐊᕐᒪᑕ.

Learn more

30 ᐅᑭᐅᑦ ᐃᒡᓗᓕᖕᒥ

“ᐊᕐᓇᐃᑦ ᐱᓕᕆᓲᑦ ᖃᓄᑐᐃᓐᓇᖅ ᐱᓕᕆᔪᒪᔭᒥᖕᓂᒃ ᐃᓱᒪᖅᓱᖅᖢᑎᒃ.
ᐅᓂᒃᑳᕗᑦ ᐊᑑᑎᖃᖅᑐᑦ ᐊᒻᒪᓗ ᐳᐃᒍᑦᑕᐅᔭᕆᐊᖃᓐᖏᑦᑐᑦ.”
ᓲᓴᓐ ᐊᕕᖓᖅ, 1991.

ᐊᕐᓇᐃᑦ ᐱᒋᐊᖅᑎᑦᑎᓚᐅᖅᓯᒪᔪᑦ ᐅᓄᓐᖏᑦᑐᑯᓘᓪᓗᑎᒃ, ᐱᓇᓱᐊᕈᓯᑕᒫᑦ ᑲᑎᒪᕙᒡᖢᑎᒃ ᐊᒻᒪᓗ ᐊᑕᐅᓯᐊᖅᖢᑎᒃ ᐱᓕᕆᖃᑎᒋᓪᓗᒋᑦ ᓄᓇᓕᖕᓂ ᐃᒡᓗᓕᖕᒥ, ᓄᓇᕗᑦ. ᐱᕈᖅᑐᖅ ᐋᕿᒃᐸᓪᓕᐊᖑᔭᖅᖢᓂ ᑭᓱᕈᖅᑎᓪᖢᑎᒍᑦ ᑕᒪᑦᑕ ᑲᑐᑎᓪᓗᒍ, ᐊᑐᖅᓯᓪᓗᑕ ᐊᖁᑎᓂᒃ ᖃᐅᔨᒪᓐᖏᑕᕗᑦ ᐱᑕᖃᖅᑐᕕᓃᑦ. ᑲᑎᓯᓚᐅᖅᑐᒍᑦ ᐃᓄᑦᑎᐊᕙᒻᒪᕆᐋᓗᖕᓂᒃ, ᐊᑐᖅᓯᓪᓗᑕ ᐊᔪᖏᑦᑐᒻᒪᕆᐋᓗᖕᓂᒃ ᐃᑲᔪᖅᑎᒌᑦ ᓴᕿᑎᖃᑎᒌᑦ, ᐊᒻᒪᓗ ᐃᓕᑦᑎᓚᐅᖅᑐᒍᑦ ᓯᓚᕐᔪᐊᑦᑎᓐᓂᒃ ᐃᓕᓯᒪᒐᑦᑕᑦᑕᐅᖅ ᑖᒃᑯᓂᖓ ᐅᕙᑦᑎᒍᑦ. ᐱᓯᒪᓚᐅᖅᑕᕗᑦ ᐊᕐᓇᐃᑦ ᐅᓂᒃᑳᖏᑦ ᐃᒃᐱᒋᑦᑎᐊᖅᖢᒋᑦ ᐊᒻᒪᓗ ᐊᔪᖏᓐᓂᓕᒫᑦᑎᒍᑦ.

 ᐃᖏᕐᕋᕕᒋᓪᓗᒍ ᓯᓚᕐᔪᐊᒥ ᑕᐃᒪᓐᓇᐅᓪᓚᕆᒃᑐ ᐱᔭᕐᓂᓐᖏᑦᑐᖅ, ᑲᑎᖓᐃᓐᓇᖅᐳᒍᑦ ᐊᒻᒪᓗ ᑲᑐᔾᔨᓪᓗᑕ ᐊᒻᒪᓗ ᖃᐅᔨᕙᓪᓕᐊᓗᑕ ᖃᓄᖅ ᐱᔭᕇᖅᓯᔪᓐᓇᕐᒪᖔᑦᑕ ᐱᓕᕆᐊᕆᔭᑦᑎᓐᓂᒃ ᐃᒃᐱᒋᑦᑎᐊᖅᖢᒋᑦ ᐊᒻᒪᓗ ᐱᖃᓐᓇᕇᖕᓂᕗᑦ. ᐅᓇ ᖃᐅᔨᒪᓇᓐᖏᑦᑐᑰᖃᑦᑕᖅᓯᒪᔭᕗᑦ ᓄᖃᕐᓂᐊᓕᖅᑐᖅ, 30 ᐅᑭᐅᑦ ᐊᓂᒍᖅᑎᓪᓗᒋᑦ, ᐊᒻᒪᓗ ᓂᕆᐅᒃᐳᒍᑦ ᑲᔪᓯᔪᒥᒃ ᖁᕕᐊᒋᔭᐅᓗᑎᒃ ᑕᕐᕆᔭᖅᑕᐅᖃᑦᑕᕐᓂᐊᕐᒪᑕ ᐊᒻᒪᓗ ᑐᖁᖅᓯᒪᓗᑎᒃ ᐃᑦᑕᕐᓂᑕᐃᑦ. ᐊᒥᓱᓂᒃ ᐊᒃᓱᐋᓗᒃ ᖁᔭᓐᓇᒦᒃ ᑖᒃᑯᐊ ᐃᒃᐱᒍᓱᑦᑎᐊᖅᓯᒪᔪᑦ ᐅᕙᑦᑎᓐᓂᒃ ᐊᒥᓱᓄᑦ ᐊᕐᕌᒍᓄᑦ.