ᐱᓇᓱᐊᖃᑎᕗᑦ
ᒫᑦᓕᓐ ᐃᕙᓗ
ᐊᐅᓚᑦᓯᔨ ᑐᑭᒧᐊᖅᑎᑦᑎᔨ-ᓴᖅᑭᑎᑦᑎᔨ-ᑎᑎᕋᖅᑎ-ᐱᓐᖑᐊᖅᑎ-ᐱᖅᑯᓯᑐᖃᕐᒥ ᖃᐅᔨᒃᑲᐃᔨ-ᐃᓐᖏᖅᑎ
ᒫᑦᓚᓐ ᐃᕙᓗ ᐃᑲᔪᒃᑲᐅᓂᖅᐹᖑᓯᒪᕗᖅ ᑕᕐᕆᔮᒃᓴᓕᒫᑦᑎᐊᓄᑦ. 1991 ᐊᕐᕌᒍ ᐱᒋᐊᖅᑎᓪᓗᒍ. ᖃᐅᔨᒪᔭᐅᑦᑎᐊᖅᐳᖅ ᓄᓇᕗᑦᒥᐅᑕᕐᓂ ᐅᓂᒃᑳᖅᑎᐅᓂᕐᒥᓄ, ᐃᓐᖏᖅᑎ, ᐱᓐᖑᐊᖅᑎ, ᑎᑎᕋᖅᑎ. ᐃᓕᓴᕆᔭᐅᒪᒻᒪᕆᖃᑦᑕᖅᐳᖅ ᐊᕐᓇᕐᓂ ᐃᓄᖕᓂ, ᓇᓂᓕᒪᓪᓗ ᑲᑎᓯᒪᓕᕌᖓᑕ ᐱᖅᑯᓯᑐᖃᕐᒥᓂᒃ ᐃᓕᓴᖅᓯᔪᓂᒃ ᓇᓂᓕᒫᖅᑐᑦ ᑲᑎᓯᒪᓕᕌᖓᑕ ᐱᖅᑯᓯᑐᖃᕐᒥᓂᒃ ᐃᓕᓴᖅᓯᔪᓂᒃ ᓲᕐᓗ ᐸᐅᒃᑑᑎ, Pan-Canadian Inuit Woman’s Organization. ᑕᑉᐱᕆᔭᐅᓪᓗᓂ ᑐᑭᒧᐊᖅᑎᑦᑎᒋᔭᐅᓚᐅᖅᐳᖅ ᖃᐅᓚᐅᖏᑎᓪᓗᒍ, ᐅᕙᖓ. ᑖᒃᑯᐊ ᑕᕐᕆᔭᐅᓯᐅᖅᑕᐅᓯᒪᔪᑦ ᓯᕗᓪᓕᐅᕗᖅ ᑐᖏᓕᕆᔭᐅᓪᓗᓂᓗ ᐊᕐᓇᐃᑦ ᓇᐃᑦᑐᖅ ᑕᕐᕆᔮᓕᐊᕆᓯᒪᔪᖅ ᒪᕆ Hᐊᓚᓐ ᑯᓯᓅ ᐃᑲᔪᖅᓱᐃᓪᓗᓂ. ᐱᒃᑯᒋᔭᐅᒻᒪᕆᓚᐅᖅᐳᑦ Birks Diamond Tribute to the Year’s Women in Film ᑕᐃᑲᓂ.ᑐᕌᓐᑐ ᓇᓂᓕᒫᖅ ᑕᕐᕆᔭᓕᐅᖅᑏᑦ ᑲᑎᓐᖓᑎᓪᓗᒋᑦ 2015 ᐊᕐᕌᒍᖓᑕ ᐃᓗᐊᓂ. ᒪᑦᓚᓐ ᐃᕙᓗ ᐃᒡᓗᓕᒃ ᓄᓇᕗᑦᒥᐅᑕᐅᕗᖅ.
ᓲᓴᓐ ᐊᕕᖓᖅ
ᓴᖅᑭᑎᑦᑎᔨᒻᒪᕆᒃ-ᑐᑭᒧᐊᖅᑎᑦᑎᔨ-ᑎᑎᕋᖅᑎ-ᐃᓐᖏᖅᑎ
ᓲᓴᓐ ᐊᕕᖓᖅ ᑕᐃᒪᖓ ᐃᓚᐅᖃᑕᐅᖏᓐᓇᖅᐳᖅ ᐊᕐᓇᐃᑦ ᓴᖅᑭᓚᐅᑎᓪᓗᒍ 1991 ᐊᕐᕋᒍᖓ ᐱᒋᐊᖅᑎᓪᓗᒍ. ᖃᐅᔨᒪᔭᐅᒻᒪᕆᒃᑐᖅ ᐊᓐᓄᕌᓕᐅᖅᑎ, ᐱᓐᖑᐊᖅᑎᐅᓪᓗᓂᓗ ᕿᑭᖅᑖᓗᖕᒥ, ᑕᐃᑲᓂᓗ ᓄᓇᖓᓂᖔᖅᑐᒥᑦ ᐃᓕᓐᓂᐊᖅᑎᑦᑎᓲᖑᕗᖅ ᐱᖅᑯᓯᒥᓂ ᐊᑐᖅᖢᓂ ᒥᖅᓱᕐᓂᕐᒥᒃ ᓄᑲᖅᖠᓄ ᐊᕐᓇᕐᓄ. ᓲᓴᓐ ᐃᓅᓚᐅᖅᓯᒪᕗᖅ ᓄᓇᓕᕋᓛᕐᒥ, ᐃᒡᓗᓕᖕᒧᑦ ᓅᖦᖢᑎᒃ 1970 ᐊᕐᕌᒍᖓᑕ ᐃᓗᐊᓂ, ᐱᓯᒻᒥᒃᖡᓐᓇᖅᑐᖅ ᐱᖅᑯᓯᑐᖃᕐᒥᖕᓂ, ᐅᓂᒃᑳᒃᓴᖃᑦᑎᐊᖅᖢᓂᓗ. ᐊᓐᓄᕌᓕᐅᕐᓂᕐᒥ ᑐᑭᒧᐊᖅᑎᑦᑎᔨ ᑕᕐᕆᔭᐅᓯᐅᖅᑕᐅᓯᒪᔪᖅ ᖃᐅᓚᐅᖏᑎᓪᓗᒍ, ᑕᐃᒃᓱᒥᖓᓗ ᐅᕙᖓ. ᑕᑉᐱᕆᔭᐅᓪᓗᓂ-ᑐᑭᒧᐊᖅᑎᒋᔭᐅᓪᓗᓂᓗ ᑭᖑᓪᓕᖅ ᓵᓚᖃᖅᓯᒪᔪᖅ, ᓇᐃᑦᑐᖅ ᑕᕐᕆᔮᒃᓴᓕᐊᕆᓯᒪᔪᖅ ᓱᓕᔪᓕᐊᕆᓯᒪᔪᖅ ᓲᓪ.
ᐊᑐᐊᑦ ᐊᑭᑦᑎᖅ (1935-2022)
ᐊᓐᓄᕌᓕᐅᖅᑎ-ᑎᑎᕋᖅᑕᐅᔪᓂ ᖃᐅᔨᒋᐊᕐᕕᐅᔪᓐᓇᖅᑐᖅ-ᐱᓐᖑᐊᖅᑎ-ᐱᖅᑯᓯᓂ ᖃᐅᔨᒋᐊᕐᕕᐅᔪᓐᓇᖅᑐᖅ
ᐊᑐᐊᑦ ᐊᑭᑦᑎᖅ ᓂᕈᐊᖅᑕᐅᓯᒪᕗᖅ Genie Award ᐱᔾᔪᑕᐅᓪᓗᓂ ᐊᓐᓄᕌᓕᐅᒃᑲᐅᓂᕐᒧᑦ ᑕᐃᒃᓱᒧᖓ The Journals of Knud Rasmussen 2007 ᐊᕐᕌᒍᖓᑕ ᐃᓗᐊᓂ, ᓵᓚᖃᖅᓯᒪᕗᖅ ᐊᓐᓄᕌᓕᐅᑲᐅᓂᕐᒧ Genie Award 2009 ᐊᕐᕌᒍᖓᑕ ᐃᓗᐊᓂ ᑕᐃᒃᓱᒧᖓ ᖃᐅᓚᐅᖏᑎᓪᓗᒍ, ᐃᑲᔪᖅᓱᐃᒻᒪᕆᒃᑐᖅ ᐱᓐᖑᐊᖅᑎᓂᒃ, ᐱᖅᑯᓯᒥᑎᒍᓪᓗ ᐊᐱᖅᓱᖅᑕᐅᒃᑲᓐᓂᕈᓐᓇᖅᖢᓂ. ᐱᔪᓐᓇᕐᓂᖃᖅᑎᑕᐅᓕᓚᐅᖅᐳᖅ ᐃᒡᓗᓕᖕᒥ ᐃᓱᒪ, 1990 ᐊᕐᕌᒍ ᐱᒋᐊᖅᑎᓪᓗᒍ, ᐱᓐᖑᐊᖅᑎᒻᒪᕆᐅᓚᐅᖅᐳᖅ ᐃᓚᒌᖑᔪᑦ ᐃᓐᓇᕆᔭᐅᓪᓗᓂ ᓇᓂᓕᒫᖅ ᑲᓇᑕᒥ ᓴᖅᑭᓯᒪᕗᖅ ᖁᓖᓪᓗ ᐱᖓᓱᑦ ᑕᕐᕆᔭᒐᒃᓴᐃᑦ “ᓄᓇᕗᑦ” (Our Land) 1991 ᐊᕐᕌᒎᔪᖅ ᐱᒋᐊᖅᑎᓪᓗᒍ, ᓴᓇᓕᓚᐅᖅᓯᒪᕗᖅ ᐊᕐᓇᐃᑦ ᑕᕐᕆᔭᐅᑎᓕᕆᔨᒃᑯᑦ ᑎᑎᕋᖅᑕᐅᔪᓂ ᖃᐅᔨᒋᐊᕐᕕᐅᓪᓗᓂ, ᐱᖅᑯᓯᕐᓂᓗ ᐊᐱᖅᓱᖅᑕᐅᕙᒃᖢᓂ.
ᒪᕆ-ᕼᐊᓚ ᑰᓯᓅ
ᓴᖅᑭᑎᑦᑎᔨ ᑎᑎᕋᖅᑎ-ᑐᑭᒧᐊᖅᑎᑦᑎᔨ-ᓂᕈᐊᖅᑎ ᐱᓐᖑᐊᖅᑎᓂᒃ
ᒪᕆ Hᐊᓚᓐ ᑰᓯᓅ ᐃᒡᓗᓕᖕᒧ ᓅᓚᐅᖅᓯᒪᕗᖅ 1991 ᐊᕐᕌᒍᖓᑕ ᐃᓗᐊᓂ, ᑕᐃᑲᓂ ᓴᖅᑲᓕᐊᓯ ᑯᓄᒃ, ᓄᐊᒪᓐ ᑰᓐ ᖃᐅᔨᔭᕆᐅᓚᐅᖅᐸᖏ ᐊᔾᔨᓕᐅᕈᑎᓕᕆᓂᐅᑉ ᐱᓕᕆᖃᑦᑕᖅᑕᖏᓐᓂ ᑲᓇᑕᐅᑉ ᐅᑭᐅᖅᑕᖅᑐᖁᑎᐊᓂᒃ, ᑕᕐᕆᐊᒃᓱᑦ ᑕᕐᕆᔭᓕᐊᕆᕝᕕᒃ. ᐃᓕᓴᖅᓯᓪᓗᓂ ᓴᖅᑭᑦᑎᓚᐅᖅᐳᖅ ᐊᕐᓇᐃᑦ ᐃᑲᔪᖅᑎᖃᖅᖢᓂ ᒫᑦᓚᓐ ᐃᕙᓗ, ᒥᐊᓕ ᑯᓄᒃ ᐃᓕᓐᓂᐊᖅᑎᑦᑎᔪᒪᓪᓗᑎᒃ ᐊᔾᔨᓕᐅᕆᓂᕐᒥᑦ ᐃᒡᓗᓕᖕᒥᑦ. ᒪᕆ Hᐊᓚᓐ ᑕᑉᐱᖅᓯᓪᓗᓂ-ᓴᖅᑭᑎᑦᑎᔨ ᐊᒻᒪ ᑕᑉᐱᖅᓯᓪᓗᓂ ᑐᑭᒧᐊᖅᑎᑦᑎᔨ, ᓵᓚᖃᖅᓯᒪᔪᖅ ᓇᐃᑦᑐᖅ ᑕᕐᕆᔮᓕᐊᕆᓯᒪᔪᖅ ᖃᐅᓚᐅᖏᑎᓪᓗᒍ, ᐅᕙᖓ, ᓲᓪ ᑕᐃᑲᓂ ᓴᓇᖃᑎᖏᓪᓗ ᐃᒡᓗᓕᖕᒥᐅᑕᐃᑦ ᐃᑲᔪᖅᓯᒪᒻᒪᕆᒃᑐ ᐊᐱᖅᑯᑎᓂᒃ ᑭᐅᔪᓐᓇᖅᖢᓂ ᑕᐃᑲᓂ ᓄᓇᕗᑦ ᑕᕐᕆᔮᓕᐊᕆᔭᒃᓴᑦ ᐃᒃᓯᕙᐅᑕᖓᓂ. ᐃᓚᐅᓪᓗᑎᒃ MFA ᐅᖃᖃᑎᒌᖃᑦᑕᖅᑐᑦ ᑕᐃᑲᖔᖅᑐᑦ ᐃᓕᓐᓂᐊᕐᕕᕐᔪᐊᖅ Iowa ᐃᓕᓐᓂᐊᖅᑎᑦᑎᓯᒪᕗᖅ ᐊᔾᔨᒌᖏᑦᑐᓂᒃ ᐃᓕᓐᓂᐊᒐᒃᓴᐅᑉ ᐱᓕᕆᓂᖏᓐᓂ. ᒫᓐᓇ ᒪᓐᑐᕆᐊᓪᒥᐅᑕᐅᔪᖅ.
ᒥᐊᓕ ᑯᓄᒃ
ᒥᐊᓕ ᑯᓄᑦ ᑎᑎᕋᐅᔭᕆᐅᖅᓴᓂᕐᒧᑦ ᐃᓕᓴᐃᔨ ᐃᒡᓗᓕᖕᒥ. ᐱᓕᕆᖃᑕᐅᓯᒪᔪᖅ ᐊᕐᓇᐃᑦ ᐃᑲᔪᖅᑏᑦ ᑕᕐᕆᔭᐅᓯᐊᖏᓐᓂ ᑕᐃᑲᖓᑦ 1993 ᑎᑭᓪᖢᒍ 2002 ᐃᑲᔫᑎᓚᐅᖅᑐᖅ ᐊᔾᔨᒌᓐᖏᑦᑐᓂᒃ ᓴᓇᓯᒪᔪᓂᒃ, ᐅᖃᓪᓚᐅᓯᖃᖅᑐᓂᒃ ᑕᕐᕆᔭᐅᓯᐅᖅᑐᓂ ᐊᒻᒪᓗ ᑳᑑᓐᖑᕐᓂᐊᖅᑐᑦ ᐊᒻᒪᓗ ᖃᐅᔨᓴᖅᓯᔾᔪᑕᐅᔪᑦ ᐃᓚᓕᐅᑎᓂᐊᖅᑐᑦ ᑕᕐᕆᔭᐅᓯᐊᖑᕙᓪᓕᐊᔪᓄᑦ ᐊᒻᒪᓗ ᑎᑎᕋᐅᔭᖅᓯᒪᔪᑦ ᑕᕐᕆᔭᒐᒃᓴᓕᐊᓂ. ᒫᓐᓇᓵᖅ ᓴᓇᖃᑎᖃᖅᑐᖅ ᐃᒡᓗᓕᖕᒥ ᐃᓐᓇᑐᖃᕐᓂᒃ ᐊᐱᖅᓱᖅᖢᒋᑦ ᑐᖁᖅᓯᒪᔪᓂᒃ ᐃᑦᑕᕐᓂᑕᓂᒃ, ᐅᑯᐊᓗ ᐃᓱᒪᓕᐅᖅᓯᒪᔪᑦ ᑐᓴᕐᑎᑦᑎᔾᔪᑎᒋᓗᒋᑦ ᐊᔾᔨᒌᓐᖏᑦᑐᓄᑦ ᓄᓇᓕᖕᓄᑦ.
ᓘᓯ ᑐᓗᒑᕐᔪᒃ
ᓴᖅᑭᑎᑦᑎᔨ-ᑎᑎᕋᖅᑎ-ᑐᑭᒧᐊᖅᑎᑦᑎᔨ-ᐱᓐᖑᐊᖅᑎ
ᓘᓯ ᑐᓗᒑᕐᔪᒃ ᐃᓚᐅᖃᑕᐅᖃᑦᑕᖅᐳᖅ ᑕᕐᕆᔭᐅᓯᐅᕐᓂᕐᒥᒃ ᐊᕙᑎᐅᓪᓗᐊᖅᑐᑦ ᐊᕐᕌᒍᓂ ᐱᓐᖑᐊᖅᑎᐅᓪᓗᓂ (ᐊᑕᓈᕐᔪᐊᖅ-ᐅᕿᓚᔪᕐᔪᐊᖅ, ᒪᐃᓇ) ᑕᑉᐱᕆᔭᐅᓪᓗᓂ ᑐᑭᒧᐊᖅᑎᑦᑎᔨᒧ ᓴᖅᑲᓕᐊᓯ ᑯᓄᒃᒧᑦ, ᐱᐅᓴᖅᑎᓕᕆᔨ, ᐋᖅᑭᒃᓱᐃᔨ ᑐᑭᒧᐊᖅᑎᑦᑎᔨ, ᑕᓚᕖᓴᒃᑯᓐᓄ ᐅᖃᖅᑎ. ᖃᐅᔨᒪᔮᖃᒻᒪᕆᒃᑐᖅ ᑕᕐᕆᔭᓕᐅᕐᕕᖕᒥᑦ ᐅᑭᐅᖅᑕᖅᑐᒧᑦ ᑕᕐᕆᔭᐅᑎᐅᑉ ᓯᕗᓂᐊᓂ ᑕᐅᑐᖔᕐᓗᓂᓘᓐᓃᑦ. ᒪᑭᒋᐊᖅᑎᑦᑎᖃᑕᐅᓚᐅᖅᓯᒪᕗᖅ ᐃᓅᓯᖅ, ᒪᒃᑯᒃᑐᓄ ᐱᓐᖑᐊᖃᑕᐅᓪᓗᓂ ᐃᒡᓗᓕᖕᒥᑦ, ᑭᖑᓂᐊᒍᓪᓗ ᐊᖅᓯᖅ-ᖑᓕᓚᐅᖅᐳᖅ. ᓄᓇᕐᔪᐊᓕᒫᕐᒧᑦ ᐊᐅᓪᓚᖃᑕᐅᖃᑦᑕᖅᐳᖅ ᑭᒡᒐᖅᑐᖅᑎᒻᒪᕆᒃ ᓄᓇᐅᑉ ᐊᓯᐊᓂᑦ ᐃᓄᐃᑦ ᐱᖅᑯᓯᖏᓐᓄᑦ. ᐃᒡᓗᓕᖕᒥᐅᑕᒃᓴᔭᖅ ᒫᓐᓇ ᒪᓐᑐᕆᐊᓪ, ᑯᐸᐃᒃᒦᓕᖅᑐᖅ.