ᑕᕐᕆᔭᐅᑎᑦ
ᑕᕐᕆᔮᓕᐊᕆᓯᒪᔪᖅ ᐃᓄᖕᒥ ᐅᖃᐅᓯᖃᖅᑐᖅ
ᑰᒃ ᓄᖃᕈᓐᓇᓐᖏᑦᑐᖅ (2019)
ᐅᓇ ᑯᐸᐃᒃ ᑕᕐᕋᖓᓂᑦ, ᐊᓂᒍᓵᑦᑎᐊᖅᑎᓪᓗᒍ ᓯᓚᕐᔪᐊᖅ ᐅᓇᑕᕕᒃᔪᐊᕐᓂᖓ 2, ᒪᒃᑯᒃᑐᖅ ᐃᓄᒃ ᐊᕐᓇᖅ ᐅᓇᑕᖅᑕᐅᓪᓗᓂ ᖁᓄᔪᕐᓂᐊᖅᑕᐅᕗᖅ ᐊᒥᐊᓕᒐᒥᑦ ᐅᓇᑕᖅᑐᒃᓴᒥᑦ ᑕᐃᑲᖓᑦ ᐅᓇᑕᖅᑐᒃᓴᐃᑦ ᓇᔪᖅᑕᖏᓐᓂ ᖃᓂᒋᔭᖓᓂ ᓄᓇᖓᑦᑕ. ᓇᓗᓕᓚᐅᖅᑐᖅ ᐊᕙᑖᓂᑦ ᒪᕐᕉᒃ ᐃᓅᓯᕆᔭᐅᔪᓃᑲᒥ ᕿᑐᕐᖓᖅᑖᓚᐅᖅᑐᖅ ᐃᕐᓂᓪᓗᓂ ᖁᓱᖅᑕᐅᓪᓗᑎᒃ ᓄᔭᖏᑦ, ᑐᖑᔪᖅᖢᑎᒃ ᐃᔨᖏᒃ, ᐊᒃᓱᕈᖃᑦᑕᖅᖢᓂ ᑐᑭᓯᔪᒪᓪᓗᓂ ᐊᑐᖅᓯᑎᑕᐅᓕᕋᒥ ᒪᕐᕉᖕᓂ ᐃᓅᓯᖃᑎᒌᓐᖏᑦᑐᓂᑦ. ᒪᓕᒃᑐᖅ ᒐᐳᓕᒋᐅᓪ ᐅᓗᐃ ᐅᖃᓕᒫᒐᓕᐊᕆᓯᒪᔭᖓ ᐊᑎᖃᖅᑐᖅ ᑰᒃ ᓄᖃᕈᓐᓇᓐᖏᑦᑐᖅ. ᑕᕐᕆᔭᐅᓯᐅᖃᑎᖃᓚᐅᖅᑐᑦ ᓄᓇᕗᑦ-ᑯᐸᐃᒃ.
ᑎᐊ ᐊᒻᒪᓗ ᐱᐅᔪᖅ - ᑕᕐᕆᔭᒐᒃᓴᖅ ᓄᑕᖃᓄᑦ (2018)
ᑎᐊ, ᓂᕕᐊᖅᓵᖅ ᓅᑦᑐᖅ ᒪᓐᑐᕆᐊᒧᑦ ᑕᐅᕙᖓᑦ ᓯᐃᐅᓕᐊ, ᑎᑭᑦᑐᖅ ᐅᑭᐅᖅᑕᖅᑐᒧᑦ ᐊᒻᒪᓗ ᐱᖃᓐᓇᕆᓕᖅᖢᒍ ᐱᐅᔪᖅ, ᐃᓄᒃ ᓂᕕᐊᖅᓵᖅ. ᑭᓯᐊᓂ ᑎᐊ ᐅᑎᕆᐊᖃᓕᕐᒪᑦ, ᓂᕕᐊᖅᓵᒃ ᐊᑐᕆᐊᖃᓕᖅᖢᑎᒃ ᐊᑐᕐᓗᒋᑦ ᐃᓄᐃᑦ ᐅᒃᐱᕆᔭᖏᑦ ᐊᒻᒪᓗ ᐅᓂᒃᑳᖅᑐᐊᖏᑦ. ᐊᔾᔨᓕᐅᖅᓯᒪᔪᖅ ᒪᓐᑐᕆᐊᒥ ᐊᒻᒪᓗ ᓄᓇᕗᑦ. ᑕᕐᕆᔭᐅᓯᐊᖓ: ᓘᓯ ᑐᓗᒑᕐᔪᒃ.
ᓲᓪ (2014)
ᓲᓪ ᐊᒃᓱᕈᕐᓇᖅᑑᓪᓗᓂ ᑕᕐᕆᔮᓕᐊᕆᓯᒪᕗᖅ, ᓵᓚᒪᓐ ᑕᐹᑦᑎᐊᖅ ᐅᔭᕋᓱᖕᒧ ᑐᕌᖓᓪᓗᓂ, ᐃᓄᑦᑎᐊᕙᐅᓪᓗᓂ ᒪᒃᑯᒃᑐᖅ, ᐊᐅᓚᔾᔭᕆᒃᖢᓂ ᐃᖃᐃᓕᓴᖃᑦᑕᓚᐅᖅᑐᖅ, ᐃᓐᖏᖅᑎᐅᓪᓗᓂ ᐅᖃᒃᑲᐅᓪᓗᓂᓗ, ᐃᓅᖏᖦᖢᓂ ᓇᓂᔭᐅᓚᐅᖅᓯᒪᕗᖅ ᐃᒡᓗᓕᖕᒥ ᐸᓖᓯᒃᑯ ᑎᒍᔭᐅᒪᕝᕕᖓᓂ, ᐊᕐᕌᒍ 2012 ᐊᑐᖅᑎᓪᓗᒍ. ᐊᕙᑎᓂᒡᓗ ᐊᕐᕕᓂᓕᖕᓂ ᐅᑭᐅᖃᖅᑎᓪᓗᒍᐃᓅᔪᓐᓃᓚᐅᖅᐳᖅ, ᐸᓖᓯᒃᑯᑦ ᐅᖃᖅᓯᒪᕗᑦ ᐃᒻᒥᓃᕐᓂᕋᖅᑕᐅᓪᓗᓂ, ᑭᓯᐊᓂᓕ ᒪᕐᕉᒃ ᐊᕐᕌᒍᑦ ᐊᓂᒍᖅᓯᒪᓕᖅᑎᓪᓗᒍ, ᐃᓚᒌᖑᔪᑦ ᐱᖃᓐᓇᕆᔭᐅᔪᓪᓗ ᐅᑕᖅᑭᔪᑦ ᓱᓕ, ᖃᓄᓪᓚᑦᑖᖅ ᐃᓅᔪᓐᓃᓚᐅᕐᒪᖔᑦ. ᑖᓐᓇ ᑕᑯᓪᓗᒍ ᐸᓴᓇᖅᑐᖃᖅᐳᖅ ᖃᓄᖅ ᐃᓅᔪᓐᓃᓚᐅᖅᓯᒪᓂᖓ. ᑕᒡᕙᐅᕗᑏᕈᑎ ᑕᕐᕆᔮᓕᐊᕆᓯᒪᔪᖅ, ᓴᖅᑭᑎᑦᑎᒃᑲᓐᓂᕋᓱᒃᐳᖅ ᒪᒃᑯᒃᑐᑦ ᑲᓇᑕᐅᑉ ᐅᑭᐅᖅᑕᖅᑐᖓᓂ ᖃᓄᓪᓚᑦᑖᖅ ᐃᓅᔪᓐᓃᖅᓯᒪᖕᒪᖔᑦ.
ᐅᕙᖓ (2013)
ᐋᓇ, ᒪᓐᑐᕆᐊᓪ–ᒥᐅᑕᒃᓴᔭᖅ ᐊᕐᓇᖅ ᐃᕐᓂᖓᓗ ᖁᓖᖕᓂ ᑎᓴᒪᓂᓪᓗ ᐊᕐᕌᒍᓕᒃ, ᑖᒪᔅ ᖁᑦᑎᒃᑑᑉ ᐅᑭᐅᖅᑕᖅᑐᐊᓄ ᓂᐅᕐᕈᕗᖅ, ᐊᑖᑕᒋᓚᐅᖅᑕᖓᑕ ᖃᑕᓐᖑᑎᖏᓐᓂᒃ ᑕᑯᕐᖓᐅᑕᐅᔭᖅᑐᖅᖢᓂ. ᑖᒪᔅ ᖃᐅᔨᒃᑲᓐᓂᕈᒪᕗᖅ ᖃᓄᖅ ᐊᑖᑕᒋᓚᐅᖅᑕᖓᑕ ᐱᖅᑯᓯᕆᓚᐅᖅᑕᖓᓂ ᐃᓅᓯᖃᓚᐅᕐᒪᖔᑦ, ᑭᓯᐊᓂ ᐊᑖᑕᖓ ᓇᐅᖑᓕᖅᑐᖅ, ᐃᓕᓐᓂᐊᖅᑎᑦᑎᔪᓐᓇᓐᖏᖦᖢᓂᓗ. ᐊᓈᓇᑦᑎᐊᕐᒥᓄ ᐊᑖᑕᒋᓚᐅᖅᑕᖓᑕᓗ ᖃᑕᓐᖑᑎᖏᒋᓚᐅᖅᑕᒥᓂᒃ ᐅᐸᒎᑎᓕᖅᐳᖅ ᐅᑭᐅᖅᑕᖅᑐᒥᓐᖔᖅᓯᒪᔪᓂᒃ, ᐊᒃᓱᕈᕐᓇᕐᓂᐊᖅᐳᖅ ᐊᖏᕐᕋᕐᓂᕆᔭᖓ, ᓯᕗᒻᒧᐊᕈᑎᐅᑉ ᐊᖅᑯᑎᖓᓂᒃ. ᒪᕐᕉᒃ ᐱᓇᓱᐊᕈᓯᐅᓂᐊᖅᑐᖅ ᐊᒡᒋᖅᑐᑦ ᐅᓪᓗᖅᑐᓂᐊᖅᐳᖅ ᓯᕿᓐᓃᓐᓇᖃᑦᑕᓕᕋᒥ. ᐋᓇᓗ ᑖᒪᔅᓗ ᐃᓅᓂᖓᓄ ᐋᖅᑭᒃᓱᐃᒃᑲᓐᓂᕆᐊᖃᖅᐴᒃ ᖃᑕᓐᖑᑎᖏᓐᓂ ᖃᐅᔨᖑᐊᕈᓐᓃᕐᓗᑎᒃ. ᐃᑭᐊᖅᑭᕕᒃᑯ.
ᖃᐅᓚᐅᖏᑎᓪᓗᒍ (2008)
ᑕᐃᔅᓱᒪᓂ 1840ᐅᑎᓪᓗᒍ, ᒪᕐᕉᒃ ᖃᑕᓐᖑᑎᒌᒃ ᓄᓇᓕᕋᓛᒥᐅᑦ ᑕᑯᖃᑦᑕᐅᑎᖦᖤᑕᐃᓐᓇᖅᐴᒃ ! ᐊᕐᕌᒍᒐᓴᖕᓂ ᑕᑯᖃᑦᑕᐅᑎᓚᐅᓐᖏᑦᑑᒃ. ᓄᓇᖃᖅᖄᖅᑐᑦ ᖃᓪᓗᓈᕐᓂ ᑕᑯᓚᐅᖅᓯᒪᓐᖏᓚᑦ. ᐅᖃᖅᓯᒪᔪᖃᕋᓗᐊᖅᑎᓪᓗᒍ ᓄᓇᖓᑕ ᐊᕙᓗᐊᒎᖅᑐᖃᖃᑦᑕᖅᑐᕕᓂᖅ. ᓂᓂᐅᖅ ᐃᓐᓇᑐᖃᖅ, ᐱᖃᓐᓇᕆᔭᖓᓗ, ᑰᑐᔫᒃ ᐃᕐᖑᑕᖓᓗ ᒪᓂᖅ ᓄᓇᖅᐸᒃᐳᑦ ᐱᔅᓯᓕᐅᕆᐊᖅᑐᖅᖢᑎᒃ ᐅᖓᓯᒃᑐᕐᒧ ᕿᑭᖅᑕᕐᒧ, ᓄᓇᒋᔭᕐᒥᓄ ᐊᔾᔨᐅᓐᖏᑦᑐᖅ ᐋᓐᓂᐊᖅ ᑎᑭᑦᑐᕕᓂᐅᕗᖅ. ᑰᑐᔫᒃ ᐃᓅᔪᓐᓃᓚᐅᖅᑎᓪᓗᒍ, ᓂᓂᐅᖅ ᐃᕐᖑᑕᖓᓗ ᓄᓇᕐᔪᐊᑉ ᐃᓗᐊᓂ ᐃᓄᑐᐊᑦᑎᐊᖑᓕᖅᖢᑎᑦ ᕿᒪᒃᑕᐅᕘᒃ, ᐅᔾᔨᕆᑎᑕᐅᕗᑦ ᐱᕕᒃᖢᑎ ᐊᓐᓇᐅᒪᓇᓱᓕᖅᐴᒃ. ᖃᐅᓚᐅᖏᑎᓪᓗᒍ ᓵᓚᖃᖅᓯᒪᕗᖅ Best Canadian First Feature ᑕᐃᑲᓂ Toronto International Film Festival 2008 ᐊᕐᕌᒍᖓᑕ ᐃᓗᐊᓂ.
ᐊᑯᓪᓕᖅ ᑕᑭᓂᖓ ᑕᕐᕆᔮᒃᓴᑦ ᑐᓗᒃᑲᑦ
ᓄᑕᖅᑲᓪᓗ (2015)
ᐱᓯᖕᒥᒃᖠᕋᓱᒃᑐᑦ ᐃᓄᐃᑦ ᐅᖃᐅᓯᖏᓐᓂ, ᑐᓗᒃᑲᑦ ᓄᑕᖅᑲᓪᓗ ᐱᓪᓚᑦᑖᑐᕕᓂᕐᓂ ᐊᔾᔨᓕᐅᕆᓯᒪᕗᖅ ᓴᖅᑭᑎᑦᑎᓯᒪᕗ ᐊᒃᓱᕈᖅᑐᓂ ᖃᑕᓐᖑᑎᒌᓂᒃ, ᓄᓇᓕᖕᓂ, ᐃᖕᒥᖕᓄ, ᐊᕙᑎᒥᒡᓗ ᐃᓄᐃᓪᓗ ᐱᖅᑯᓯᖏᓐᓂ. ᓄᑕᖅᑲᑦ ᒪᒃᑯᒃᑐᓪᓗ ᐃᒡᓗᓕᖕᒥᖔᖅᑐᑦ ᐃᓚᐅᖃᑦᑕᓚᐅᖅᐳᑦ ᐊᐅᔭᒃᑯ ᐊᐅᓪᓛᖃᑕᐅᓪᓗᑎᒃ ᑲᓐᖑᓱᖏᖦᖢᑎᒃ ᐅᓂᒃᑳᓚᐅᖅᐳᑦ ᐱᔪᒪᓂᕐᒥᓂᒃ ᐊᑐᖅᖢᑎᒃ. ᓯᓚᐅᑉ ᐊᓯᔾᔨᖅᐸᓪᓕᐊᓂᖓ ᐱᔾᔪᑎᒋᓪᓗᒍ. ᐃᓐᓇᑐᖃᐃᑦ ᐅᓂᒃᑳᑐᐊᓂᒃ ᐱᒻᒪᕆᐅᓂᖓᓂ ᐅᖃᐅᓯᖃᖅᖢᑎᒃ ᐱᖅᑯᓯᒥᑎᒍᓪᓗ, ᑕᑯᓯᒪᕙᕗ ᐊᒃᓱᕈᕐᓇᕐᓂᖅ ᐊᖅᑯᓵᖅᓯᒪᑎᓪᓗᒍ ᐱᒻᒪᕆᐅᓂᖓ ᐃᓄᐃᑦ ᐱᖅᑯᓯᖓ ᒫᓐᓇᐅᔪᖅ ᐃᒡᓗᓕᖕᒥᐅᑦ ᒪᒃᑯᒃᑐᖁᑎᖏᓐᓂᒃ.
ᐊᕐᓇᖅ ᕿᒧᒃᓯᐅᔾᔪᐊᖃᑕᐅᔪᖅ (2010)
ᑖᓐᓇ ᐊᕐᓇᖅ ᐃᓱᓕᑦᑎᓯᒪᕗᖅ ᓵᓚᒃᓴᖅᖢᓂᓗ ᕿᒧᒃᓖᓯᐅᔾᔪᐊᕐᓂᕐᒥᒃ ᓄᓇᕗᒥᑦ, ᑎᓃᔅ ᒪᓕᑭ ᑕᑯᖅᑯᑎᑦᑎᐊᕙᐅᕗᖅᓄᑲᖅᖠᕐᓄ ᐃᓄᖕᓄᑦ, ᐊᕐᓇᕐᓄ ᐊᖑᑎᓄᓪᓗ ᐱᐅᔪᒥᒃ ᖁᕕᐊᓇᖅᑐᒥᒡᓗ ᓴᖅᑭᑎᑦᑎᓯᒪᓪᓗᓂᓗ ᐃᓄᐃᑦ ᐱᖅᑯᓯᖏᑦᑎᒍ, ᐊᑐᐊᒐᑎᒍᓪᓗ.
ᑕᑯᖅᑯᑎᖓ ᓄᓇᖑᐊᕐᒥᒃ ᑕᕐᕆᔭᐅᓯᐅᖅᑕᐅᓂᐅᑉ ᓯᕗᓪᓕᐊ: ᓄᓇᐅᑉ ᐊᓯᔾᔨᖅᐸᓪᓕᐊᓂᖓ (2010)
ᕿᑭᖅᑖᓗᖕᒥ ᖃᖅᑳᓗᐃᑦ ᒪᕐᕉᒃ ᓇᑲᑎᖅᑕᐅᓂᐊᖅᐳᑦ ᕿᓐᖑᐊᓂ. ᐃᒡᓗᓕᖕᒥᐅᑦ ᐊᒃᑐᖅᑕᐅᓯᒪᕗᑦ ᐱᓂᐊᕐᓂᐅᔪᒥᒃ ᐅᔭᕋᖕᓂᐊᕐᓂᐅᑉ: ᐱᖏᒍᓱᒃᐳᑦ ᐅᔭᕋᖕᓂᐊᕐᓂᓕᕆᔨᒃᑯᑦ ᓄᓇᒃᑰᕈᑎᖏᓐᓂ, ᐅᒥᐊᕐᔪᐊᖏᓪᓗ ᓱᕋᒃᑎᕆᒻᒪᕆᖕᓂᐊᖅᑐᒥᒃ ᐊᕙᑎᖏᓐᓂ, ᓂᕐᔪᑎᓂᒃ ᐃᒪᕐᒥᐅᑕᓂᒡᓗ ᐃᓄᐃᑦ ᐱᖅᑯᓯᖏᓐᓂ ᐊᖑᓇᓱᖕᓂᕐᒥᒡᓗ. ᑕᑯᖅᑯᑎᖓ ᓄᓇᖑᐊᕐᒥᒃ ᓄᓇᖃᖅᑳᖅᑑᑉ ,ᓂᐱᖁᑎᖓ ᐱᖏᒍᓱᖕᓂᖓ ᑐᓴᖅᑕᐅᓕᑦ ᓴᕕᒃᓴᓕᕆᔨᒃᑯᓐᓂ ᐱᔾᔪᑎᖃᖅᖢᑎᒃ, ᓄᓇᖁᑎᖓ ᐱᔾᔪᑎᒋᓪᓗᒍ.
ᑕᑯᖅᑯᑎᖓ ᓄᓇᖑᐊᕐᒥᒃ, ᑐᒡᓕᐊ: ᐃᓄᐃᑦ ᓴᓐᖏᔫᔪᓐᓇᖅᐳᑦ (2010)
ᐃᓄᐃᑦ ᑕᐱᕇᒃᑯ ᓄᓇᕗᑦᒥᒃ ᒪᒃᐱᖅᓯᓵᖅᐳᑦ, ᐃᒪᕕᐅᒃ ᐃᖅᑲᕐᓂᖔᖅᓯᒪᔪᕐᒥ ᐅᔭᕋᖕᓂᐊᕐᕕᖕᒥ. ᓄᓇᕗᑦᒥᐅᑦ ᑐᓴᖅᑕᐅᔪᒪᕗᑦ. ᐅᖃᕕᖃᕐᓂᕐᒧ ᒪᒃᐱᖅᓯᕗᑦ ᓄᓇᓕᖕᓂ ᐅᖃᖃᑎᖃᕈᒪᒍᕕᑦ; ᓄᓇᕗᑦᒥᐅᑦ ᒪᒃᐱᖅᓯᓪᓗᐊᖅᐸᑦ ᖃᐅᒻᒪᖅᑯᑎᓕᕆᔨᕐᔪᐊᒃᑯᓐᓃ?
ᐃᒡᓗᓕᖕᒥᐅᑦ ᐊᓐᓄᕌᓕᐅᕈᓯᑐᖃᖏᑦ (2009)
ᓲᓴᓐ ᐊᕕᖓᖅ ᐃᒡᓗᓕᖕᒥᐅᑕᖅ ᑕᕐᕆᔭᐅᓯᐊᓂ ᑐᕌᖅᑎᓪᖢᒍ ᐃᖃᐅᒪᔭᐅᓂᐊᕐᒪᑕ ᐊᓐᓄᕌᓕᐅᕈᓯᑐᖃᖏᓐᓂᒃ ᐃᓄᐃᑦ.
ᐅᓇᑯᓗᒃ, Dear Little One (2005)
ᐃᓄᐃᑦ ᐱᖅᑯᓯᕐᒥᑎᒍ ᑎᒍᒻᒥᔪᑦ, ᑎᒍᐊᖅᑎᑦᑎᓂᖅ ᓱᓕᔫᕗᖅ ᐃᓄᐃᑦ ᖃᑕᖕᖑᑎᒌᑎᒍ, ᐃᓚᒋᔭᕐᒥᒃ ᑎᒍᐊᕐᓂᖅ, ᐱᖃᓐᓇᕆᔭᒥᒍᓪᓘᓐᓃᒃ ᖃᐅᔨᒪᔭᕐᒥᖕᓂᒡᓘᓐᓃ, ᓱᓕ ᒫᓐᓇ ᐊᑐᖅᑕᐅᕗᖅ. ᒪᕆ Hᐊᓚᓐ ᑰᓯᓅ, ᑐᓐᓂᖅᑯᓯᐊᖃᖅᓯᒪᕗᖅ, ᐊᓕᒃᓵᓐᑐ ᐋᐸᒃᒥᒃ, ᐃᒡᓗᓕᖕᒥᐅᑕᒃᓴᔭᐅᓪᓗᓂ ᐊᒥᓱᓂ ᐊᕐᕌᒎᑉ ᐃᓗᐊᓂ ᐱᓯᒪᓕᖅᐹ.
ᐊᓈᓇ (2001)
ᐊᑖᑕᖓᑕ ᐃᒃᓯᖕᓇᕐᓂᑯᒋᓪᓗᓂᐅᒃ, ᖃᓪᓗᓈᖑᓪᓗᓂ ᐸᓖᓯᐅᔪᖅ, ᕖᕕ ᑯᓄᒃ, ᑎᒍᐊᖅᑕᐅᔪᕕᓂᐅᕗᖅ ᖃᑕᓐᖑᑎᒋᔭᐅᔪᓂ ᐃᓄᖕᓄᑦ ᐊᓈᓇᖓᑕᓗ ᓄᑲᑉᐱᐊᖅᑐᑦ ᐱᕈᖅᓴᓪᓗᓂᐅᒃ. ᑭᓯᐊᓂᓕ ᑖᓐᓇ ᐃᓅᓯᖅ ᐊᖅᑯᓵᖅᑕᖓ ᐱᐅᔪᒻᒪᕆᐅᓪᓗᓂ. ᐅᐃᖓᓗ ᐃᓄᑭ, ᐱᕈᐃᕘᑦ ᐊᕐᕕᓂᓖᖕᓂᓪᓗ ᒪᕐᕉᖕᓂ ᕿᑐᕐᖓᖏᓐᓂ, ᓴᖅᑲᓕᐊᓯ ᑯᓄᒃᒥ ᐃᕐᓂᖃᕆᓪᓗᑎ ᑕᕐᕆᔭᐅᓯᐅᕐᓂᕐᒥᒃ ᓵᓚᖃᖅᓯᒪᔪᖅ, ᓄᓇᓕᕋᓛᕐᒦᑉᐸᒃᖢᑎᓪᓗ ᐊᕐᕌᒍᓕᒫᖅ. ᓄᓇᖅᐸᒃᐸᒃᖢᑎ, ᐊᖑᓇᓱᒋᐊᖅᐸᒃᖢᑎᒡᓗ ᑭᖑᕚᕆᓚᐅᖅᑕᒥᑎᑐᑦ, ᒐᕙᒪᒃᑯ ᐊᑐᕆᐊᖃᕐᓂᖓ ᓴᖅᑭᓚᐅᖏᑎᓪᓗᒍ ᓱᓕ, ᓲᕐᓗ 1950 ᐊᕐᕌᒍᒋᓚᐅᖅᑕᖓᑕ ᐃᓗᐊᓂ. ᐃᕐᖑᑕᖏᓐᓂ ᐊᕙᓗᔭᐅᓯᒪᓪᓗᑎᒃ, ᓇᐃᓴᒐᒃᓴᐅᖏᑦᑐᓂᒃ ᐅᓂᒃᑲᐅᓯᑖᒃᑲᓐᓂᖃᑦᑕᖅᐳᖅ, ᖃᐅᔨᒪᑦᑎᐊᖅᖢᓂᓗ ᕿᑭᖅᑖᓘᑉ ᓄᓇᖓᓂᒃ. ᐃᓅᓯᐅᑉ ᐊᓯᔾᔨᖅᐸᓪᓕᐊᓂᖓᓂ ᐅᔾᔨᕈᓱᒃᐴᖅ 60 ᐊᕐᕌᒎᑉ ᐃᓗᐊᓂ, ᕖᕕ ᑯᓄᒃ ᐅᓂᒃᑳᕈᓐᓇᖅᐳᖅ.
ᐊᐅᓪᓚᖅᐸᒃᑐᑦ (1996)
ᖃᐅᔨᓴᖅᑕᐅᔪᑦ ᓱᓕᔪᓕᐊᕆᔭᐅᔪᖅ ᓲᕐᓗ, ᐅᒃᐱᕈᓱᖃᑏᒌᓕᕐᓂᐅᑉ ᒥᒃᓵᓄᑦ ᒪᕆ Hᐊᓚᓐ ᐊᕐᓇᐃᒃᑯᓐᓄ ᑕᕐᕆᔭᐅᑎᓕᕆᔨᖏᓐᓂᓐᖔᖅᑐᖅ. ᑕᕐᕆᔭᐅᓯᐅᔪᖅ ᐃᖕᒥᓂ ᐅᖃᐅᓯᖃᖅᐳᖅ ᐃᓕᑦᑎᕙᓪᓕᐊᓪᓗᓂᓗ, ᐊᐅᓪᓚᖃᑦᑕᕐᓂᖓᓂ ᐃᓅᓯᕐᒥᓂ, ᓄᓇᓄᑦ ᐊᑐᖅᑕᐅᕙᓚᐅᖅᑐᓂᒃ ᒫᓐᓇᓕᓵᕐᒧᓪᓗ. ᐃᓄᐃᑦ ᐱᖅᑯᓯᖏᑦᑎᒍ, ᖃᐅᔨᒪᔮᕆᔭᖏᓪᓗ ᐅᓄᖅᓯᕙᓪᓕᐊᓪᓗᑎᒃ ᐃᖕᒥᓂᓗ ᐅᒃᐱᕆᕙᓪᓕᐊᓪᓗᓂᓗ. ᑕᕐᕆᔭᕈᒃ.
ᓇᐃᑦᑐᖅ ᑕᕐᕆᔮᓕᐊᕆᓯᒪᔪᑦ
ᓵᓕ ᐱᓱᒃ (2011)
ᓵᓕ ᐱᓱᒃ ᐊᒃᑲᒋᕙᐃᑦ, ᐊᖓᒋᕙᐃᑦ, ᐃᓪᓗᕆᕙᐃᑦ, ᐊᕐᓇᖃᑎᒋᕙᐃᑦ, ᓂᖓᐅᒋᕙᐃᑦ. ᖃᓄᖅ ᐅᖃᐅᓯᕆᔪᓐᓇᖅᐱᐅᒃ? ᓈᓚᒃᑐᖃᖅᐳᖅ…
ᐅᒥᐊᖅ (2007)
ᐅᒥᐊᖅ ᑕᕐᕆᔭᐅᑎ ᓱᓕᔪᓕᐊᕆᔭᐅᓯᒪᕗᖅ ᐃᓐᓇᑐᖃᕐᓂᒃ ᐃᒡᓗᓕᖕᒥᓐᖔᖅᑐᓂᒃ. ᓴᓇᔪᒪᓕᓚᐅᖅᐳᖅ ᐅᒥᐊᕐᒥᒃ, ᐅᒥᐊᖅ ᕿᓯᖕᓂ ᓴᓇᔭᐅᓯᒪᔪᖅ. ᐃᓄᒃᑑᖅᖢᓂ.
ᓂᖏᐅᕋ (2000)
ᓂᖏᐅᕋ ᐃᓕᓐᓂᐊᕈᑕᐅᓪᓗᓂ ᐅᓂᒃᑳᓕᐊᕆᔭᐅᓯᒪᕗᖅ, ᓱᓕᔪᓂᒃ ᐅᓂᒃᑲᐅᓯᕕᓂᕐᓂᒃ ᐊᑐᖅᖢᑎᒃ, ᐃᓄᐃᑦ ᖃᐅᔨᒪᔭᑐᖃᖏᓐᓂᒃ ᒫᓐᓇᐅᔪᕐᓗ ᐊᑐᖅᑕᐅᔪᓂ ᐃᒡᓗᓕᖕᒥ. ᐃᓐᓇᑐᖃᖅ ᐃᕐᖑᑕᖓᓗ ᖃᐅᔨᖃᑦᑕᐅᑎᒃᑲᓐᓂᖅᐴᒃ. ᐃᓕᓴᕆᖃᑦᑕᐅᑎᔪᓐᓇᖅᓯᓪᓗᑎᒡᓗ ᐃᓚᒌᖑᔪᑦ, ᐱᕈᔪᒃᑐᖃᓚᐅᖅᑎᓪᓗᒍ.
ᐊᖅᑐᖅᓯ (1996)
ᐊᖅᑐᖅᓯ ᓯᖕᓇᒃᑑᕗᖅ ᐃᖅᑯᒻᒪᒻᒪᕆᒋᐊᖃᖅᖢᓂᓗ, ᐊᐅᓚᔾᔭᒍᔅᓇᓐᖏᖦᖢᓂ ᓯᖕᓇᒃᑐᕐᓘᑎᐅᕗᖅ “ᐊᖅᑐᖅᓯᕈᑎᒋᓚᐅᖅᓯᒪᔭᕋ ᑕᕐᕆᔮᓕᐊᕆᔪᒪᓕᓚᐅᖅᓯᒪᕙᕋ. ᓯᖕᓇᒃᑐᕐᓘᑎᐅᓐᖏᖦᖢᓂ ᐅᕝᕙᓘᓐᓃᑦ ᓯᖕᓇᒃᑐᑐᐃᓐᓇᐅᓐᖏᖦᖢᓂᓗ: ᐊᖅᑐᖅᓯᖅᖢᓂ ᐊᐅᓚᔾᔭᒍᓐᓇᐃᓪᓕᓐᓇᖅᐳᖅ ᓯᓂᒃᖢᓂ”.
ᐅᓂᒃᑲᐅᓯᖅ (1996)
ᖃᕋᓴᐅᔭᒃᑯ ᐃᓄᓐᖑᐊᓕᐊᕆᓯᒪᔪᖅ. ᒥᐊᓕ ᑯᓄᒃ ᐃᓕᓐᓂᐊᖅᐸᓪᓕᐊᕗᖅ ᐅᓂᒃᑳᓕᐅᖅᖢᓂ ᐃᓐᖏᐅᓯᓕᐅᖅᖢᓂᓗ, ᐱᕈᖅᓴᕐᓂᕕᓂᕐᒥᓂ ᐊᑐᖅᖢᓂ. ᐅᖃᖅᓯᒪᖕᒪᑦ “ᐊᔾᔨᓕᐅᕆᓯᒪᓂᒃᑯ ᐱᖅᑯᓯᕐᓂᒃ ᓴᖅᑭᔮᖅᑎᐊᑎᑦᑎᓇᓱᖕᓂ”.
ᐱᐅᔪᖅ ᐊᖑᑕᐅᑦᑐᕐᓗ (1994)
ᑖᓐᓇ ᑕᕐᕆᔭᐅᓯᖅ ᒪᕐᕉᖕᓂ ᐊᕐᓈᖕᓂ ᐅᖃᐅᓯᖃᖅᓯᒪᕗᖅ ᐃᒡᓗᓕᖕᒥᐅᑕᒃᓴᔮᖕᓂ: ᒫᑦᓚᓐ ᐃᕙᓗᒃ (ᐱᐅᔪᖅ) ᓲᓴᓐ ᐊᕕᖓᖅ (ᐊᖑᑕᐅᑦᑐᖅ). ᐱᐅᔪᖅ ᐅᖃᐅᓯᖅᑕᖓ ᐅᖃᐅᓯᕆᓪᓗᒍ ᐃᒪᐃᓕᖓᕗᖅ “ᐃᓂᖁᓇᖅᑐᖅ” ᐊᖑᑕᐅᑦᑐᖅ ᐃᒪᐃᓕᖓᓪᓗᓂ “ᓴᓐᖏᔪᖅ ᐊᖑᓐ ᒪᒃᑯᒃᑑᓪᓗᓂ”. ᐊᔾᔨᖁᑎᖃᐅᖅᐳᑦ ᑖᒃᑯᓂᖓ ᐊᕐᓇᕐᓂ ᑖᔅᓱᒪ ᐊᕙᑎ ᐊᕐᕌᒍᖓᑕ ᐃᓗᐊᓂ. ᐃᓚᐅᖃᑕᐅᕋᐃᓐᓄᒃᑎᓪᓗᒋ ᓄᓇᓕᖕᓂ ᐱᓐᖑᐊᖅᑎᑦᑎᔪᓂᒃ. ᐊᔮᔮᖅᖢᑎᒃ ᖁᓐᖏᐊᖅᑎᑦᑎᓲᖑᕘᒃ. ᖃᕋᓴᐅᔭᒃᑯᑦ ᐃᓄᓐᖑᐊᓕᐊᕆᓯᒪᔪᑦ ᓴᓇᔭᐅᓯᒪᕗᖅ ᑎᑎᖅᑐᒐᖅᑎᒥᒃ, ᒥᐊᓕ ᑯᓄᒃ, ᑕᕐᕆᔮᓕᐊᕆᓯᒪᔫᑉ ᐃᓗᐊᓂ.
ᖁᓪᓕᖅ (1993)
ᖁᓪᓕᖅ ᓇᑦᑎᐅᑉ ᐅᖅᓱᐊᓂ ᐊᑐᖅᖢᓂ ᐃᑯᒪᓲᖑᕗᖅ ᐃᒻᒪᑐᖃᖅ ᐊᑐᖅᑕᐅᕙᓚᐅᖅᓯᒪᔪᒥᒃ, ᖃᐅᒪᔾᔪᑎᐅᔪᒃᓴᑑᓐᓂᖅᐳᖅ, ᐅᖅᑯᓐᓇᖅᑐᒃᓴᑑᓐᓂᖅᖢᓂᓗ. ᐊᕐᓇᐃᑦ ᐅᓂᒃᑳᖅᐳᑦ ᐅᖃᐅᓯᒃᑯᑎᒍᑦ ᐃᓐᖏᐅᓯᑎᒍᓪᓗ ᑖᓐᓇ ᖁᓪᓕᖅ ᐋᖅᑭᒃᓱᖅᐸᓪᓕᐊᓪᓗᓂᒡᔪ ᐃᒡᓗᒥᓄ.
ᐊᑕᒍᑦᑖᓗᑉ ᐱᕐᓚᓱᖕᓂᕕᓂᖓ (1992)
ᕉᔅ ᐃᖃᓪᓕᔪᖅ ᐅᑯᒫᓗᒃ, ᐃᓐᓇᑐᖃᒻᒪᕆᒃ ᐊᒥᑦᑐᕐᒥᐅᑕᒃᓴᔭᖅ, ᐊᐅᖃᑎᒋᓪᓗᓂᐅᒃ ᐅᓂᒃᑳᖅᑐᖅ, ᐊᑕᒍᑦᑖᓘᓚᐅᖅᑑᑉ ᐊᑐᖅᑕᕕᓂᕐᓂᒥᓂ, ᐊᑕᒍᑦᑖᓗᒃ ᐊᓂᒍᐃᓯᒪᕗᖅ ᐱᕐᓚᓱᖕᓂᕐᒥᒃ. ᐱᒃᑯᒋᔭᐅᓯᒪᓂᖅᐹᖑᓕᖅᖢᓂᓗ, ᐃᒡᓗᓕᖕᒥᐅᑕᕐᓂᒃ.